Solsnu og nymåne

Før var det fest på solsnu, fest for gjenfødelse av lyset. Lyset skal vinne over mørket att. For kvar dag vert dagen nokre sekund lengre. Endå ei gong har vi kome oss gjennom mørketida og kan vende blikket smått om senn mot meir lys. Ute og inne, i by og bygd, er det no tent lys over alt. For lengsel, for håp og for glede. Solsnu er i år på den fjerde sundagen i advent, der vi tenner det fjerde lyset for fred !

På vintersolverv går sola inn i Steinbukken sitt teikn. Det jordiske og ambisiøse teiknet, teiknet for grensesetting og tradisjonar. Og jula handlar i høgste grad om tradisjonar.

Dagen før, på laurdag 20.desember har vi nymåne, som er ei tid for å så nye frø og nye idear. Denne nymånen står i Skytten sitt teikn, teiknet for å setja seg nokre ynskje, tenne ein gnist eller ta vare på flamma for nye håp og lengslar der framme. For å sjå framover mot lyset og ei ny tid.