Refleksjonar over 2016

Vintersolkverv er den dagen Sola står lågare på himmelen enn nokon annan dag i året. Vi har den mørkaste tida på året. Naturen ligg i dvale. Nokre plassar får naturen ligge å kvile under kvitt snødekke, for å lade opp til ein ny runde. Mange er travle og oppteke av å styre til jul. Alt skal ordnast før jula...

Merkur går retrograd i Steinbukken 19.desember til 8.januar. Merkur er vår kommunikasjonsplanet. Det er all form for formidling, refleksjon, intellektet vårt, utdanning, undervisning, korte reiser, kontrakter, papirarbeid.

Advent er ei kristen høgtid som markerar ventetida til jul. Vi ventar på det som skal koma, på å feire Jesus fødsel på juleaften. Fyrste sundag i advent er fyrste dag i kyrkjeåret. Advent og Skytten høyrer saman. Begge har fokus mot det som skal koma.